Dylansow ha Gwerthyans an Orseth

Pys da yu Gorseth Kernow dhe brofya kevres a dhyllansow. Gwra scrolya dhe'n dor rak manylyon pella.

Paypal: Byrth a yl tylly aga ragpren dre sewya gwythres unver.

Rag araya paymens erel gans PayPal tuchyeugh mar plek orth an Alwhedhor rak manylyon ha costyans.

Gorsedh Kernow: Bards of the Helston Area / Berdh a'n Ranndir Hellys

Dhe govhe an Orsedh 2011, hag a hwervydh dhe Hellys, Gorsedh Kernow re worras war-barth dyllans hag a re manylyon bewnansow a dew-ugens bardh marow neb esa trigys hag oberi y’n ranndir Hellys ha Lesardh, ha deg warn ugens Bardh byw ynwedh. Hemm yw an nessa yn kevres towlennys a dhyllansow a wra vri an ranndir may fo synsys an Orsedh Kernow bledhennek.

Yma res gul talas a Ł7.50 (RU), Ł8.50 (Europ) po Ł10 (leow erel) dhe Gorsedh Kernow, yn ewn dhe’n Alhwedhor, David Lindo.

David Lindo, Gorsedh Treasurer
Enys, 13b, Trevone Crescent, St Austell, PL25 5ED Kernow/Cornwall, UK.

Mars yw gwell gansa, devnydhoryon PayPal a yll dannvon talas gwiw, yn sterlin, yn unn alejya aga thrigva bost - kestavowgh David Lindo, Gorsedh Alhwedhor, dhe david.lindo@lineone.net rag manylyon mar pleg.

'Cornish Bards of the St Ives Area/Berdh Gernewek an Ranndir Porthia'

Lonchys dhe Borth Ia gool an Orsedh 2010, an lyver ma a vraster A4 yw kuntelles a vewgrafow berr a dewdhek ha dew-ugans kyns berdh Porth Ia, war-barth gans aga rians dhe Orsedh Kernow, bewnans a Borth Ia ha gonisogeth hag istori Kernewek.

Dres berdh kepar ha Barbara Hepworth, Bernard Leach ha Peter Lanyon, neb a gowlwrug bri war an arethva ledanna Pretennek hag yn kesgwlasek, y fir orth burjysi an werin kepar ha Beryl James, Cyril Noall ha John Tucker Barber.

Liwys yn ta gans moy es dew-ugens skeusenn du ha gwynn, y feu hwithrys ha kervernys war-barth gans Kresen Studhyans Kovskrivennow Porth Ia ha Kessedhek Kovskrivennow ha Dyllansow Gorsedh Kernow.

Yma res gul talas a Ł7.50 (RU), Ł8.50 (Europ) po Ł10 (leow erel) dhe Gorsedh Kernow, yn ewn dhe’n Alhwedhor, David Lindo. Mars yw gwell gansa, devnydhoryon PayPal a yll dannvon talas gwiw, yn sterlin, yn unn alejya aga thrigva bost - kestavowgh David Lindo, Gorsedh Alhwedhor, dhe david.lindo@lineone.net rag manylyon mar pleg.

'Gorseth Kernow/The Cornish Gorsedd: pyth yu hy ha pandra wra hy'
gans Rod Lyon

Yma'n vledhen ma owth avysya 80ans gol penbloth Gorseth Kernow hag y whelyr dyllans folennyk a vyras orth an cuntellyans adhya an tu aberveth.

Rod Lyon (Tewennow) a vappya hy devedhyansow yn Breten Vur avar ha Kembry, hag ynweth myras orth hy solemnytys ha regalya hag a whyly an strocas effeyth tus mur y vry kepar ha Henry Jenner ha Robert Morton Nance.

Ef a styr ynweth pan vaner Gorseth Kernow re chanjyas dres an vledhy nnow ha fatla wra hy gweles hy ran yn Kernow y'n 21ans Cansvledhen hag adrus an omlesans Kernewek.

Lymnys gorhel yn lyw lun yu, gans lyes scuesen nag o gwelys kens es hemma, ynweth 'Gorseth Kernow/The Cornish Gorsedd' a synsy notennow styryansek dhe les ow tuchya regalya an Orseth ha rolyow Byrth Mur, Cannas Byrth Mur ha tylleryow an Orseth.

Cost yu Ł5.70 (Wlascor Unys) po Ł6.45 (tramor) res yu dheugh danvon chekkennow sterlyn taladow dhe Orseth Kernow gans furflen arghadow dhe'n Alwhedhor, David Lindo. Mar mynnough usya PayPal res yu dheugh danvon pemont ewn yn sterlyn gans agas thrygva dhe david.lindo@lineone.net Trygva PayPal an Alwhedhor

An re na a allas cuntell an lyver adhyworth an Alwedhor dhe wharfos a sew; res yu dhedha dysquedhes dhe'n furflen arghadow hag a yl tylly Ł 4.95 sterlyn yn unyk.

Y hyller pryntya furflen arghadow clykkya omma mar plek.

'Setting Cornwall on its Feet' - Robert Morton Nance 1873-1959

Yma'n cuntellyans ma a assays ha mamscryfow ow rejoycya bewnans ha gonys Robert Morton Nance, lymner,dyscajor hengovyon an bobel, scryfer, ystoryor morek, tan y golon Keltek, fundyor Cowethasow Kernow Goth ha Barth Mur an Orseth Kernow. Penscryfys yu ef gans byrth Peter Thomas ha Derek Williams hag yth yu dyllys yn 2007 gans Francis Boutle yn kevren Gorseth Kernow.

ISBN: 978 1 903427 34 7
Y hyllyr prena dasscryf dyworth an Alwhedhor David Lindo, pell 01726-66854
e-bost treasurer@gorsethkernow.org.uk
po scryf dhe
13b Trevone Crescent, St. Austell, PL 25 5ED, Cornwall

Cost yu Ł12.50 ( Gans Ł1.50 lytherdoll rag An Wlascor Unys, gans Ł2.50 rag tramor mar plek).
Gwra chekkennow sterlyn taladow dhe 'Gorseth Kernow'.

DVD "Pennsans Diskudhys"

Gwary 10 mynysen gans 8 flogh adhyworth Scol Kensa Sen Eler. Scryf yn Kernewek gans John Parker. Ef a vu performyes dhe Wol Ylow an Orseth 2007.

Yma 5 chaptra dhe'n DVD:-

Yma'n gwary dyworth 3 elyn a'n jyn scuesen.
An keth mes yma ganso Geryow Kernewek avel ys ystytel.
Gerva geryow kewsys ha lavarow gans geryow yn Sawsnek ha Kernewek warn scryn. Geryow kewsys dywwyth gans powes rag gweloryon dhe dhasleveral.
Gerva mes yma geryow warn scryn yn Kernewek yn unyk.
Dathel adro dyllajow, assayans, etc.

Platten pryntys lyes lyw ha cudhlen, gans lyfryk 8 folen a eryow (Kern & Saws) gans folen adro technykow video.

Cost Ł3 (may 'ma Ł1-25 res dhe Scol Sen Eler) gans Ł1 fardellyans ha lytherdoll y'n Wlascor Unys

Clykkya omma rag manylyon pelha/govynadow.

Lyver Dedhyow 2012

Yma lyver dedhyow deuyethek gans portrayans lywys ha manylyon an Orseth ha wharfosow Kernewek erel, dhe gafos rak Byrth @ Ł7.15 (gans fardellyans ha lytherdoll An Wlascor Unys 84 dynar, Europ Ł1.60, An Nor Ł2.65)

Cartennow Nadelek

Yma fardel 5 carten Nadelek gans gwelow Kernewek dyffrans dhe gafos gans "Printed for Gorsedh Kernow" ha "Gorhemmynadow a'n gwella" cost gans lytherdoll. An Wlascor Unys Ł2.00, Europ Ł2.50, An Nor Ł3.00.

An dheu dhyworth Barbara Shaw.

Henry & Katharine Jenner:
Solempnyta an Wonesegeth, Tavas ha Honensys a Gernow

Dyllys - mys Est 2004

Henry & Katharine Lee Jenner yn 1881

An lyver posek-ma a verk pen cansbloth an dyllans Henry Jenner "The Handbook of the Cornish Language" hag a dhallathas an studhyans arnoweth a Gernewek. Y'n keth bledhen, 1904, dre stryvyansow Jenner, Kernow a vu degemerys avel onen an whegh Kenedhel Geltek dhe'n Gol Pan-Keltek yn Caernarfon, Kembry.

An lyver noweth-ma, cuntellyans a assays gans lyes scryfer Kernewek a'n jeth hedhyu a-dro dhe Henry ha Katherine, y wrek, gans ensomplow aga scryfow ha skesennow pals, yu ynweth men myldyr. Yth yu an kensa studhyans manylys a'n dus mur aga bry yn dasserghyans Kernewek y'n ugansves cansbledhen, ow corra aga cryjyansow ha cowlwryansow y'n mater ledanna a gowethas Vyctoryan hag Edwardyan.

Penscryfys gans Derek Williams, (Map Jethan), yth yu dyllys gans Francis Boutle Ltd, gans scothyans dyworth Gorseth Kernow, rak £10.00 (profyans specyal). Yth yu cafadow dyworth: David Lindo, Alwedhor an Orseth, Enys, 13b Trevone Crescent, St Austell, Kernow, RU, PL25 5ED. Gwra chekkennow taladow dhe Gorseth Kernow. (Tramor. Gwra e-bostya dhe David Lindo rak costow lytherdoll moy. treasurer@gorsethkernow.org.uk)

Rag manylyon pella, goresow gwask, dasscryfow daswel h.e., e-bostya archives@gorsethkernow.org.uk

PASCYON AGAN ARLUTH
yn dasscryf kewar

Parusys ha penscryfys dres 6 bledhen gans Harry Woodhouse MA / Gwrayer an Sarf, hem yu 'kensa' yn dyllansow Kernewek. A-da dhe bup folen dhasscryf kewar, an mamscryf yu pryntyes ger rag ger gans trelyans arnoweth yndanno. Yma ethom a a-dro dhe 100 folen rag hemma, hag yu sewyes gans dyghtyans hevelep an tymmyk Chartour, y dheth 1340, dyskevrys gans Henry Jenner, ha kensa folen a Homylys Treger, y dheth a-dro dhe 1557.

An lyver a vu pryntyes ha kelmys yn teg gans Booth dyworth Penryn, yn dyllans strothys a 200 dasscryf yn unyk. Dhe gafos dyworth grandbard@gorsethkernow.org.uk, prys £16.99 (plus fardellyans ha lytherdoll
RU £1.50).


Deu lyfryk a-dro dhe kens Cannasow Byrdh Vur re bu ascorrys gans Kessedhek Whythrans Cofscryfus ha Dyllansow an Orseth, caderhes gans Ann Trevenen Jenkin (Bryallen):
Tolzethan: Bewnans ha Prysyow a Joseph Hambley Rowe gans Hugh Miners ha Treve Crago (28 folen, gans delynyansow lowr, nebes lywys) Hambley Rowe a vu genys dhe Hayl, Kernow yn mys Gortheren 1870. Hag ef mes nebes seythenyow, ef a omvuvyas dhe Russya dres 9 blydhen. Wosa bos dyskys dhe Scol Hayl ha Penscol Aberdeen, y vewnans a os a vu spenys avel medhek yn Syr Ebron. Y guntellyans a lyfrow a vu prenys rak Lyverva Resruth hag a vyth rann a Lyverva Genethlek a dhe a Gernow. Y hyllyr cafos folenyk gans manylyon pella dyworth David Lindo.		Map Kenwyn: Bewnans ha Prysyow a Cecil Beer gans Gary Tregidga ha Treve Crago (32 folen) Cecil Beer o esel bew a 'Tyr ha Tavas' der an 1930ow. Ev a vu degemerys avel Barth dhe Ben Padderbury yn 1934. Ev a omvuvyas dhe Australya der an 1970ow le mayth o omvaglys yn tyn yn cuntellyansow a Vyrth Kernewek yn Australya.
Profyans specyal - pen an lynen Y hyllyr prena an lyfyrygow ma dyworth Alwhedhor an Orseth, David Lindo, Carer Lowarthow, orth cost a Ł3 dhe bup onen, hag a syns lytherdoll RU. Y hyllyr prena an dheu warbarth rag Ł5. Rak manylyon a ayrbost tramor kestava orth treasurer@gorsethkernow.org.uk.